పుష్ప 2: ది రూల్ – ఫైర్ నుండి వైల్డ్ ఫైర్ | ట్రైలర్ రివ్యూ

సినిమాకు మించి సంస్కృతిగా మారిన పుష్ప

ఫ్యాన్స్ హంగామా మరియు బాలీవుడ్‌పై ప్రభావం

సంస్కృతీ సారాన్ని జోడించిన పుష్ప

ట్రైలర్‌లో పుష్ప కొత్త అవతారం ఆహ్లాదకరంగా ఉంది. తన సాంప్రదాయిక వస్త్రాలు మరియు ప్రత్యేకమైన మేకప్, తిరుపతి గంగమ్మ జాతరను గుర్తు చేస్తూ, స్థానిక సంస్కృతికి అనుబంధాన్ని కల్పించాయి. ఇది కేవలం విజువల్‌గా ఆకట్టుకోవడమే కాకుండా, కథనాన్ని మరింత లోతుగా చూపిస్తుంది.

చిత్తూరు జిల్లా భాషలో పుష్ప మాటల తీరూ, ఎర్రచందనం అక్రమ రవాణా వ్యాపారంలో ప్రపంచాన్ని శాశించాలన్న తన ఆకాంక్షలూ కథలో ప్రధాన ఆకర్షణగా ఉన్నాయి.

వైవిధ్యమైన సంగీత సమర్పణ

పుష్ప 2 సంగీత విభాగంలో మరో విశేషం జరిగింది. దేవి శ్రీ ప్రసాద్ (డీఎస్పీ) మరియు ఎస్.ఎస్. థమన్ కలిసి ఈ చిత్రానికి సంగీతాన్ని అందించడం సంగీత ప్రేమికుల్లో ఆసక్తిని రేకెత్తించింది. సినిమా పూర్తి అయ్యే సమయంలో ఉన్నట్టుండి ఎస్.ఎస్. థమన్ కి బ్యాక్ గ్రౌండ్ స్కోర్ ఇవ్వడంపై సినిమా అభిమానుల్లో మిశ్రమ స్పందన లభిస్తోంది. పుష్ప 1 లోని పాటలు ఇప్పటికీ ప్రాచుర్యం పొందుతూ ఉండగా, ఈ కొత్త అనుబంధం ఈ సినిమాకు అదనపు ఆకర్షణను తెస్తుందా లేకా వివాదాలకు దారి తీస్తుందా అనేది చూడాలి.

“ఊ అంటావా మామా…” అనే పాట పుష్ప 1లో హిట్ అయ్యిన తర్వాత, పుష్ప 2 లో శ్రీలీల మరియు అల్లు అర్జున్ కలిసి నటించిన “కిస్సిక్” అనే ఐటమ్ సాంగ్ ఇప్పటికే జనాల్లో పాపులర్ అయింది.

ఆసక్తికరమైన విషయం ఏంటంటే పుష్ప 1 లో ఉన్న “ఊ అంటావా మామా…” అనే పాట మరియు పుష్ప 2 లో ఉన్న “కిస్సిక్” అనే ఐటమ్ పాట, ఈ రెండు పాటలు కూడా పితృస్వామ్య భావజాలం గురించి స్త్రీ దృక్కోణంలో నొక్కి చెప్పి, శ్రోతలను ఆలోచింపజేసే ప్రయత్నం చేస్తాయి.

టీజర్ హైప్ మరియు రాజకీయ అంశాలు

ఏడు నెలల క్రితం విడుదలైన “పుష్ప ఎక్కడ?” టీజర్ పుష్ప 2 సీక్వెల్‌కు మలుపు తిప్పింది. పుష్ప ఆచూకీ కోసం జరుగుతున్న గాలింపు చర్యలను పరిచయం చేస్తూ, అభిమానులలో ఆసక్తి మరియు ఊహాగానాలను రేకెత్తించింది. ఈ టీజర్ పుష్ప స్మగ్లింగ్ కార్యకలాపాలు మరియు ఆయన సామాజిక సేవల మధ్య వ్యత్యాసాన్ని చూపించింది, పుష్పను భయపెట్టే వ్యక్తిగా మరియు గౌరవనీయ వ్యక్తిగా ప్రతిఫలించే కాంప్లెక్స్ క్యారెక్టర్‌గా రాసింది. ఈ ద్వంద్వతత్వం నాయకత్వం మరియు పాలన వంటి లోతైన రాజకీయ అంశాలను సూచిస్తూ, సీక్వెల్‌లో అవి ఎలా పరిణమిస్తాయో చూపించబోతున్నాయి.

అభిమానుల యుద్ధాలు మరియు రాజకీయ ఉద్రిక్తతలు

పుష్ప 2 ట్రైలర్ విడుదల మెగా ఫ్యాన్స్ (పవన్ కళ్యాణ్ అభిమానులు) మరియు బన్నీ ఫ్యాన్స్ (అల్లు అర్జున్ అభిమానులు) మధ్య తీవ్రమైన అభిమాని యుద్ధాలకు తెరతీసింది. అల్లు అర్జున్ తన బంధువైన పవన్ కళ్యాణ్‌కు బదులుగా వైఎస్సార్‌సీపీ ఎమ్మెల్యే అభ్యర్థి శిల్పా రవి రెడ్డిని సమర్థించడం అభిమానుల్లో దూమారం రేగింది. ఇది పెద్ద ఎత్తున ట్రోలింగ్ మరియు ఆన్‌లైన్ ఘర్షణలకు దారితీసింది.

అభిమానుల నుంచి వచ్చిన వ్యతిరేకతను లెక్కచేయకుండా, తన స్నేహితుడికి అల్లు అర్జున్ చూపిన నిబద్ధత వైఎస్సార్‌సీపీ అనుచరుల నుంచి విస్తృత మద్దతును సంపాదించింది. ఒకవైపు  తనకు మద్దతుగా నిలుస్తున్న అభిమానులకు బన్నీ సభాముఖంగా కృతజ్ఞతలు తెలుపుతుంటే పుష్ప 2 సినిమా గురించి మెగా ఫ్యామిలీలోని మిగతా హీరోల నుండి ఊహించినంత స్పందన రావడంలేదు. ఇది సినిమా ప్రమోషన్లకు ఒక కొత్త రాజకీయ కోణాన్ని జోడించింది.

ఈ అభిమానుల యుద్ధం ఫైర్ నుండి వైల్డ్ ఫైర్‌గా మారి, సినిమాపై ఉత్సాహం మరియు వివాదాలను సృష్టించింది. ఈ భేదాలు ఆంధ్రప్రదేశ్‌లో సినిమా మరియు రాజకీయాల అనుసంధానంపై చర్చలను కొనసాగిస్తూనే ఉన్నాయి.

సామాజిక అంశాలు మరియు టికెట్ ధరలు

పుష్ప 2 ట్రైలర్ విజయంతో, రోజురోజుకూ ఈ సినిమాకు పెరుగుతున్న ఆదరణతో టికెట్ ధరల పెంపుదలపై చర్చ మొదలైంది. ఇప్పటికే తెలంగాణ ప్రభుత్వం పుష్ప 2 ప్రభుత్వం సినిమా టికెట్ ధరలు అమాంతం పెంచేసింది. ఆంధ్ర ప్రదేశ్ ప్రభుత్వం కూడా టికెట్ ధరలు పెంచబోతుంది అని సర్వత్రా వినికిడి. వినోదాన్ని పొందే హక్కు అందరికీ ఉంది. సామాన్యులను దృష్టిలో ఉంచుకోకుండా ఇలా టికెట్ ధరలు పెంచడం తెలుగు సినీ పరిశ్రమకు గానీ, సమాజానికి గానీ మంచిది కాదు. కావున, తెలుగు రాష్ట్రాల ప్రభుత్వాలు ఈ విషయంలో ఆచరణాత్మకంగా వ్యవహరిస్తే బాగుంటుంది.

ముగింపు

పుష్ప 2: ది రూల్ ట్రైలర్ అంచనాలను అమాంతం పెంచింది. ప్రేక్షకులను ఆకట్టుకునే కథ, అత్యున్నత విజువల్స్, మరియు అద్భుతమైన నటనతో ఈ చిత్రం తెలుగు సినిమా కీర్తిని ప్రపంచానికి చాటేలా కనిపిస్తోంది. ఈ సినిమా విజయవంతమై, తెలుగు సినిమా ఖ్యాతిని మరింత పెంచుతుందని ఆశిద్దాం.